Se non podes executar este formulario no teu navegador podes utiliza-la seguinte versión alternativa.
Test sobre a filosofía de Kant (1)
1 Mantivo Kant sempre a mesma posición filosófica?
- A) Si. Kant non é dos que modifican o seu pensamento.
- B) Si, xa que estaba convencido da súa verdade crítica.
- C) Non. A filosofía do período crítico supón o abandono das súas anteriores posicións.
2 En que pregunta se resume o chamado "problema crítico"?
- A) É posíbel que a ciencia demostre as verdades metafísicas?
- B) É posíbel que a metafísica xustifique a ciencia?
- C) É posíbel a metafísica como ciencia?
3 Que son os xuízos sintéticos a priori?
- A) Son xuízos baseados na experiencia.
- B) Son xuízos que aumentan o noso coñecemento da experiencia.
- C) Son xuízos que aumentan o noso coñecemento pero que non dependen da experiencia.
4 Segundo Kant ¿cantas fontes de coñecemento hai?
- A) A sensación é a única fonte de coñecemento.
- B) A única fonte de coñecemento é a razón pura.
- C) Hai dúas: a sensibilidade e entendemento.
5 Que son o espazo e o tempo, para Kant?
- A) Son formas puras a priori da sensibilidade.
- B) O espazo é o lugar que ocupan as cousas. O tempo é o que mide a súa duración.
- C) Son dous conceptos fundamentais para comprender a realidade.
6 Que entende Kant por sensibilidade?
- A) A capacidade de sentir as sensacións das cousas en si.
- B) A capacidade de emocionarse (diante do ceo estrelado, fóra de min, e diante da lei moral, en min).
- C) A capacidade de recibir representacións
7 En que consiste a "revolución copernicana" de Kant?
- A) En poñer o Sol no centro do universo.
- B) En haber demostrado que Copérnico tiña razón.
- C) Na afirmación de que os obxectos deben conformarse ao noso coñecemento, e non á inversa, como se pensaba ata entón.
Respostas ao test sobre a filosofía de Kant (1)
1. Mantivo Kant sempre a mesma posición filosófica?
(C) Non. A filosofía do período crítico supón o abandono das súas anteriores posicións.
2. En que pregunta se resume o chamado "problema crítico"?
(C) É posíbel a metafísica como ciencia?
3. Que son os xuízos sintéticos a priori?
(C) Son xuízos que aumentan o noso coñecemento pero que non dependen da experiencia.
4. Segundo Kant ¿cantas fontes de coñecemento hai?
(C) Hai dúas: a sensibilidade e entendemento.
5. Que son o espazo e o tempo, para Kant?
(A) Son formas puras a priori da sensibilidade.
6. Que entende Kant por sensibilidade?
(C) A capacidade de recibir representacións
7. En que consiste a "revolución copernicana" de Kant?
(C) Na afirmación de que os obxectos deben conformarse ao noso coñecemento, e non á inversa, como se pensaba ata entón.
