Ontoloxía - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Ontoloxía
- Dos termos gregos "ontos" e "logos", etimoloxicamente remite ao estudo do ser, á ciencia do ente. A ontoloxía é a "ciencia do ser en canto ser e do que esencialmente lle pertence".
O termo comeza a utilizarse a mediados do século XVII e acada gran difusión a raíz do uso que del fai o filósofo alemán C. Wolff. A Filosofía Primeira de Aristóteles, posteriormente denominada Metafísica, tiña por obxecto o estudo do "ser en canto ser" e o do "Motor Inmóbil" (os seres divinos), e é a distinción entre os dous obxectos de estudo o que dá lugar ao xurdimento do termo ontoloxía, aplicado ao primeiro obxecto de estudo (o ser en canto ser), para diferenciala da metafísica, que consideraría como obxecto primario das súas reflexións o segundo (o Motor Inmóbil).