Individualismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Individualismo
- En xeral, doutrina que afirma o valor predominante do individuo, que é concibido como un "átomo" social, e ao que se considera o fundamento das formas de organización social e da lei. O individualismo pode ser, en función da actividade humana que se contemple, ético, económico, social, relixioso, etc.
O individualismo oponse a toda concepción colectivista ou social da realidade humana, ao considerar que aceptar o predominio e a determinación do social sobre o individual significaría poñer en cuestión a liberdade do individuo, relegándoo ao papel de mera peza dun mecanismo. Non obstante, as correntes de pensamento individualistas preocupáronse do problema da relación do individuo coa sociedade, ofrecendo diversas explicacións, intentando salvar a preeminencia do individual (teorías do contrato, etc.)