Funcionalismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Funcionalismo
- Podemos falar de varios tipos de funcionalismo: o sociolóxico, o psicolóxico e o lingüístico. En socioloxía, o funcionalismo é a teoría, elaborada inicialmente por E. Durkheim en "As regras do método sociolóxico", (publicada en 1895), segundo a cal inténtase comprender e explicar as estruturas sociais non pola súa orixe histórica, cultural, senón a partir das funcións que desempeñan no conxunto da sociedade ou doutra unidade social máis restrinxida.
A principios do século XX aplicouse á antropoloxía por B. Malinowski e A. Radcliffe-Brown. En psicoloxía, o funcionalismo é a escola que se desenvolve nos EEUU a finais do século XIX e principios do XX, baseada nos principios evolucionistas e impulsada por W. James e J. Dewey, que rexeita a introspección de Wundt e considera que os procesos mentais son estratexias do organismo para sobrevivir, polo que o importante non é determinar "o que son", senón para que serven e como funcionan. En lingüística, o funcionalismo, impulsado, entre outros, por. A. Martinet, propón como metodoloxía a identificación das unidades lingüísticas baseándose en criterios funcionais.